कक्षा ११ र १२ को परीक्षा तालिका सार्बजनिक (Exam Notice Published-2075)

उच्च शिक्षालय तथा माध्यमिक बिद्यालय संघ (हिसान)ले संचालन गर्ने २०७५ सालको कक्षा ११ र १२ को परीक्षा तालिका सार्बजनिक भएको छ ।हिसानले बार्षिक रुपमा ११ र १२ को परीक्षा संचालन गर्दै आएको छ ।

बिस्तृत समयतालिका तल दिइएको छ  ।

खुशिको खबर !!! सरकारले दिनेभयो विदेशबाट फर्केका युवाहरुलाई १० लाखसम्म सहुलियत ऋण

सरकारले विदेशबाट फर्किएर ब्यापार, व्यवसाय र इलम गर्नेहरुलाई १० लाखसम्म सहुलियत ब्याजको ऋण दिन लागेपछि यस्ता हजरौं युवाले सरकारलाई आफ्नो व्यवसायिक प्रस्ताव बुझाएका छन् ।

वैदेशिक रोजगार प्रवर्द्धन बोर्डले ब्याज अनुदान सम्बन्धी कार्यविधि-२०७५अनुसार विदेशबाट फर्किएकालाई पनि सहुलियत दरमा ब्याज दिन लागेको हो । त्यसका लागि राम्रो व्यवसायिक योजना भने आवश्यक पर्छ ।
सरकारले युवाले आफ्नै परियोजना नै धितोमा राखेर १० लाखसम्म ऋण लिन पाउने व्यवस्था गरेको हो । त्यसका लागि परियोजना नै धितोमा राख्नुपर्छ । विदेशमा कम्तिमा ६ महिना काम गरेर फर्केकाहरुले पनि सहुलियत ब्याजदरको ऋण प्राप्त गर्नेछन् ।

५ वर्षका लागि दिइने यो ऋणमा बैंकले ब्याजको आधार दरभन्दा दुई प्रतिशत बढी ब्याज तोक्न पाउने छैनन् । सरकारले यस्ता क्षेत्रमा ऋणहरू परिचालन गर्दा ब्याजमा ५ देखि ६ प्रतिशत अनुदान दिनेछ ।

यो हुँदा ऋणीले बैंकको ब्याजदरमा आधा वा त्यसभन्दा बढी सहुलियत पाउने अवस्था बन्नेछ । यस्तो ऋणमा अतिरिक्त कुनै पनि शुल्क लिन नपाइने व्यवस्था छ ।

तर, विदेशबाट फर्किएको ३ वर्ष नाघेकालाई यस्तो ऋण दिइने छैन । यसका पनि सरकारले ५ प्रतिशत ब्याज अनुदान दिनेछ ।

१० लाखभन्दा कम ऋण दिँदा अनिवार्य निक्षेप सुरक्षण गर्नुपर्ने व्यवस्था गरेको छ । कर्जा सुरक्षण गर्दा लाग्ने शुल्कको ७५ प्रतिशत सरकारले नै तिर्नेछ भने बैंकले २५ प्रतिशत ब्यहोर्नेछन् । तोकिएको अवधिसम्म ऋण नतिरिए बैंकले सुरक्षण कोषबाट रकम लिन सक्छ ।

यदि लिएको ऋण नतिरेमा ऋणीलाई कालोसूचीमा राखिनेछ । सरकारले राहदानी पनि रोक्का गर्ने र ऋणीको चल/अचल सम्पत्तिको विक्री वितरणमा रोक लगाउनेछ । बैंक खाताहरु रोक्का गरेर सरकारी सेवा सुविधा खोस्ने व्यवस्था कार्यविधिमै छ ।

यही व्यवस्थामा टेकेर ऋण लिन चाहाने हजारौं युवा सरकारको ढोकामा लामबद्ध छन्, जो ऋण लिएर मालिक चाहन्छन् । तर, सरकारका मान्छेले यहाँ पनि ‘आफ्ना’लाई मात्रै मौका दिने हुन् कि भन्ने आशंका धेरैलाई देखिन्छ ।
#Copy From Online Khabar

गुगल कसरी बन्यो सर्च इन्जिनको बादशाह ?

तपाइँलाई केही प्रश्नको जवाफ थाहा छैन वा कुनै द्विविधा छ वा कुनै विषयको बारेमा तपाइँलाई धेरै जानकारी चाहिएको छ भने के गर्नुहुन्छ ? धेरैको जवाफ हुन्छः गुगल गर्छु ।
गुगल अहिले हाम्रो दैनिक जिवनीको हिस्सा बनिसकेको छ । इन्टरनेट प्रयोगकर्ताले गुगललाई आफ्नो साथी तथा शिक्षक भन्दछन् ।
गुगल यहीँ हप्ता २० वर्षको भएको छ । यो दुई दशकको इतिहासमा गुगल इन्टरनेट जगतको बादशाह बन्न सफल भएको छ । गुगल भन्दा अघिपनि कैयन् सर्च इन्जिन थिए, जसको मानिसहरुले धेरै प्रयोग गर्दथे । तर गुगलको अगाडि कोहीपनि टिक्न सकेन ।
४ सेप्टेम्बर १९९८ मा इन्जिनियर ल्यारी पेज र सर्गे ब्रिनले विश्वमा रहेका तथ्य तथ्यांक र जानकारीहरुलाई एक ठाउँमा समेट्नका लागि एउटा प्रोजेक्ट सुरु गरे । सोही प्रोजेक्ट यतिधेरै सफल भयो कि अहिले गुगलसँग हेरक दिन लाखौँ प्रश्न सोधिन्छन् । र, यसका संस्थापकहरु अहिले अरबौँका मालिक बनिसकेका छन् ।
गुगल भन्दा अघिपनि इन्टरनेटको दुनियामा केही सफल सर्च इन्जिन थिए । तीनको चर्चा गराैं
वेब क्रलर ः यो दुनियाको पहिलो सर्च इन्जिन थियो । जसमा सबै शव्दलाई एकसाथ लेखेर सर्च गर्न सकिन्थ्यो । गुगल आउनु भन्दा केही वर्षअघि यो प्रचलनमा आएको थियो ।
वेब स्पाइडर वा वेब क्रलरको अर्थ एक कम्प्युटर प्रोग्रामबाट राखिएको हो, जुन अहिले पनि प्रयोगमा छ । गुगलले पनि आफ्नो वेबसाइटमा यसको परिचय दिँदै लेखेको छ, ‘हामी वेबपेजमा जानकारीहरुलाई सही तरिकाबाट पेश गर्ने दौरान सार्वजनिक रुपबाट विद्यमान जानकारीहरु जुटाउनका लागि स्पाइडर्सको प्रयोग गर्दछौँ ।’
अमेरिकाको वाशिंटन विश्वविद्यालयका एक छात्र ब्रायन पिंकरटनले वेब क्रलर बनाएका हुन् । सन् १९९५ मा अमेरिका अनलाइनले यसलाई खरीद गर्यो । त्यसपछि सन् २००१ मा इन्फोस्पेस नामको कम्पनीले यसको स्वामित्व ग्रहण गरेको थियो । धेरै कम समयमा वेब क्रलर लोकपि्रय भएको थियो । तर केही समयपछि लिकोस नामको एक नयाँ सर्च इन्जिन आएसँगै वेब क्रलरको प्रयोग कम हुन थाल्यो ।
लिकोस
सन् १९९५ मा अमेरिकाको कार्नेगी मेलन विश्वविद्यालयले लिकोस नामक एक रिसर्च प्रोजेक्ट सुरु गर्यो । पछि त्यसलाई टेरा नामक कम्पनीले खरीद गर्यो । सन् १९९९ मा यो सबैभन्दा धेरै हेरिने वेबसाइटको रुपमा रहेको थियो । तर टेरासँग गएसँगै यो असफल रह्यो । त्यसपछि कम्पनीलाई दक्षिण कोरियाको एक कम्पनीले खरीद गर्यो । अन्तिममा भारतको एक अनलाइन मार्केटिङ र्फमले लिकोस खरीद गरेको थियो ।
हाई भ्यू
सन् १९९५ मै अल्टाविस्टा नामको एक अर्को सर्च इन्जिनको जन्म भयो । गुगलको उदयले सबैभन्दा धेरै नोक्सान बेहोरेको कम्पनी पनि यहीँ नै हो । यो सर्च इन्जिन विद्यमान अरु सर्च इन्जिन भन्दा फरक तथा तिब्र थियो । तर गुगल त्यो भन्दापनि अब्बल भएर आयो र बजार कब्जा गर्न सफल भयो । याहुले सन् २००३ मा यसलाई खरीद गर्यो । तर १० वर्षपछि यसलाई बन्द गर्न याहु बाध्य भयो ।
एक्साइट
सन् १९९५ मा लञ्च भएको एक्साइट सन् ९० को दशकमा अमेरिकाको सबैभन्दा मन पराइएको ब्राण्डमध्येको एक थियो । तर बजारमा आएको ५ वर्षपछि नै यसको पतन सुरु भयो ।
याहू
याहुले सफलता हासिल गर्यो तर यसका संस्थापक आफ्नो गोजी भर्नमा मात्र लागिपरे । जसका कारण याहुले समय अनुरुप आफुलाई सुधार्न सकेन । सायद गुगलले यहीँ मामिलामा याहुलाई पछार्न सफल भयो ।
गुगल कसरी सफल भयो ?
गुगल भन्दा अघिपनि सर्च इन्जिनहरु थिए र सफलता पनि प्राप्त गरिरहेका थिए । तर आखिर त्यो के कारण थियो जसले गर्दा गुगल सबैलाई पछार्न सफल भयो ?

इन्टरनेटमा गरिने ९० प्रतिशत सर्च गुगलमै हुन्छन् । झण्डै ६० प्रतिशत अनलाइन विज्ञापन पनि गुगलबाटै आउँछन् ।
हरेक प्रयोगकर्तालाई एक निजत्वको अनुभुति गराउने कोसिस तथा लगातार केही नयाँ गर्ने कोसिसका कारण गुगलले यो सफलता चुम्न सफल भएको हो । गुगलको एल्गोरिदमले पनि यसमा ठूलो भूमिका निर्वाह गरेको छ ।
गुगलका संस्थापक पेज तथा बि्रनले सन् १९९९ मा पेज र्यांक एल्गोरिदम ल्याएका थिए । यसले कुनैपनि वेबपेजलाई उपयोगिताको हिसाबले १ देखि १० को बीचमा श्रेणीकृत गर्दछ ।
गुगलको हेल्प साइटमा यसका सर्जकहरुले लेखेका छन् ः तपाइँलाई जवाफ चाहियो, लाखौँ वेबपेज होइन । हाम्रो सिस्टमको आवश्यकताका अनुसार नतिजा दिन्छ ।
तर पेज तथा बि्रनले केही शूत्र गोप्य राखेका छन्, जसले गुगललाई अरु सर्च इन्जिनभन्दा पृथक र उत्कृष्ट बनाएको छ । यसलाई गुगलले लगातार परिवर्तन गरिरहन्छ ।
सायद गुगलको सबैभन्दा ठूलो उपलब्धि यो हो कि गुगल प्रयोगकर्ताको आवश्यकता बुझ्नमा सफल रहेको छ । बीबीसी